മുടി കൊണ്ട് വണ്ടി വലിക്കുന്ന ആളുകളുടെ കഥകള്‍ നമ്മള്‍ പലപ്പോഴും കേട്ടിട്ടുണ്ട്. എന്നാല്‍ അതൊക്കെ പ്രദര്‍ശനത്തിനു വേണ്ടിയുള്ളതായിരുന്നു.
എന്നാല്‍ ദൈനംദിന ജീവിതത്തില്‍ ഒരു ആവശ്യം വന്നപ്പോള്‍ വാഹനം വലിച്ചു കൊണ്ടുപോകാന്‍ മുടി ഉപയോഗിച്ച പെണ്‍കുട്ടിയാണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധേയയാകുന്നത്.
യാത്രാ മധ്യേ പെട്രോള് തീര്‍ന്ന് വണ്ടി വഴിയില്‍ നിന്നു പോയപ്പോഴാണ് ലണ്ടനിലുള്ള ഈ യുവതി തന്റെ മുടി ഉപയോഗിച്ച വണ്ടി പെട്രോള് പമ്പിലേക്ക് കൊണ്ടുപോയത്.
ഈ കാഴ്ച കണ്ട് തെരുവിലെ യാത്രക്കാരെല്ലാം കൗതുകത്തോടെ നോക്കുന്നുമുണ്ട്. ഇതിന്റെ വീഡിയോ ആണ് ഇപ്പോള്‍ വൈറലാകുന്നത്.
സാധാരണയായി പെട്രോള് തീര്‍ന്ന് വാഹനം വഴിയിലായാല്‍ ബ്രേക്ഡൗണ്‍ പുള്ളറുകളുടെ സഹായത്തോടെയാണ് പമ്പിലേക്ക് എത്തിക്കുക.
എന്നാല്‍ ഇവിടെ അതിന്റെ ഒന്നും ആവശ്യമില്ല. തന്റെ മുടി തന്നെ ധാരാളം എന്ന് പറഞ്ഞാണ് സാവിക്ക യുവതി ഇതിന് മുതിര്‍ന്നത്. സാവിക്ക പെട്രോള് തീര്‍ന്ന വാഹനത്തിലും തന്റെ മുടിയിലുമായി ചങ്ങല കെട്ടി ബന്ധിപ്പിച്ചാണ് വണ്ടി വലിച്ചത്.
വണ്ടി കൃത്യം പെട്രോള് പമ്പ് വരെ എത്തിച്ചാണ് സാവിക്ക് മുടിയുടെ കെട്ട് അഴിച്ചത്. സാവിക്ക ചെയ്തത് പോലെ നമുക്കും ഇത് പരീക്ഷിക്കാം എന്ന് ചിന്തിക്കേണ്ട. അത്ര അനായാസമായ പ്രവൃത്തി അല്ല ഇത്. സാവിക്ക് പ്രൊഫഷനല് ‘ഹെയര്‍ ഹാങ്ങിങ്’ ആര്‍ടിസ്റ്റാണ്. ഇതാണ് ഇവര്‍ക്ക് ഗുണം ചെയ്തതും.
